Lân
fan
taal

Sykje as elkenien nei online (tools) mei trefwurd 
Lân fan taal. Frijsteat foar alle talen. Vrijstaat voor alle talen. A free state for all languages. Freistaat aller Sprachen.

Stimmen fan Fryslân

Benijd hoe’t ferskate talen klinke? En de ferskate smaken Frysk? Mei in wiidweidige app kinst dat ûntdekke en in soad kennis oer taal opdwaan. Ûnmisber foar taalfanaten, – kenners en dosinten!

DNA fan Ljouwert

Wat soesto yn in buiske stopje ast dêrmei dyn ferhaal fertelle wolst? In tûfke hier, in tûkje, in gedicht? Sûnt 2016 binne tûzenen Ljouwerters dwaande om in buiske te foljen. Dy foarmje mei-inoar aanst it keunstwurk DNALWD2018.

Friezen om utens

Wat is de taal fan it hert fan Friezen dy’t – somtiden al lang lyn – nei it bûtenlân emigrearre binne? Do kinst it ûntdekke op de regionale telefyzje, op skerms yn it Lân fan Taal en fansels online.

FAME!

It radio-argyf fan Omrop Fryslân is ferskuorrend grut en boeiend. Mei FAME! (Frisian Audio Mining Enterprise) fynsto aanst sûnder problemen útstjoerings fan jierren lyn werom, oer ûnderwerpen of fan sprekkers dy’tsto nijsgjirrich fynst. Gewoan troch der om te freegjen!

Taal-Kit

D’r komt in Lân-fan-taal-kit mei geweldige en bysûndere taalprojekten en -ideeën, dêr’tsto as learkrêft/dosint nije taalpaden mei ynslaan kinst.

Other Words – Oare Wurden

Dat is spannend: as skriuwer yn in lytse of minderheidstaal acht wike lang ‘útstjoerd’ wurde nei in oar Europeesk lân, dêr’tst wurkest, blogs skriuwst en optredens dochtst! Dat bart sûnt 2016 by ‘Other Words’. Ûntdek yn 2018 ynternasjonale skriuwers ‘yn it wyld’ yn Ljouwert.

Fryske MOOC

Wolsto (better) Frysk leare? Dan kin dat leechdrompelich en ienfâldich mei in brede online kursus. De Fryske MOOC (Massive Open Online Course) is der foar elkenien. Wêr’tst op ‘e wrâld ek wennest. En oftst no Fries bist, toerist, ‘rootseeker’ of taalstudint!

Bliuw op de hichte